Ankara Bakı ilə birgə İrəvana mesaj yollayır ki... - NƏ BAŞ VERİR?
Gündəm / Siyasət
Oxunub: 10
24 Kas 2021 | 08:46
Ankara Bakı ilə birgə İrəvana mesaj yollayır ki... - NƏ BAŞ VERİR?

Ermənistan hökuməti Türkiyə ilə münasibətlərin normallaşdırılmasında Moskvadan vasitəçilik etməsini xahiş edib. Bu barədə Ermənistan XİN-in mətbuat katibi Vaan Unanyan deyib. Onun sözlərinə görə, Rusiya da daxil olmaqla, bir neçə ölkə Ermənistanla Türkiyə arasında münasibətlərin normallaşdırılması prosesində vasitəçiliyini təklif edib, İrəvan bu məqsədlə Moskvanı seçib: “Rusiyaya bildirmişik ki, heç bir ön şərtlər olmadan Ermənistan-Türkiyə münasibətlərinin normallaşdırılmasına hazırıq. Əgər nə vaxtsa bu barədə danışıqlar olsa, məlumat verəcəyik”.

Xatırladaq ki, bu ilin avqust ayından etibarən Ermənistanın baş naziri və Türkiyə prezidenti qarşılıqlı müsbət siqnallar aldıqlarına dair bəyanatlar veriblər. Hətta Türkiyə lideri Rəcəb Tayyib Ərdoğan bildirib ki, Paşinyan ona Gürcüstanın baş naziri vasitəsilə görüşmək istədiyini çatdırıb. Lakin Ərdoğan vurğulayıb ki, belə bir görüşün baş tutması üçün İrəvan Zəngəzur dəhlizinin açılması istiqamətində addımlar atmalıdır. Unanyan bəyan edib ki, Ankara və İrəvan arasında birbaşa danışıqlar olmayıb. Ermənistanın Türkiyə ilə münasibətlər qurmasında ABŞ da öz vasitəçiliyini təklif edib. Məlumat üçün bildirək ki, Ermənistanın Xarici işlər naziri Ararat Mirzoyan da “Le Figaro” nəşrinə müsahibəsində Türkiyə ilə münasibətlərin normallaşdırılması məsələsi ilə bağlı detalları açıqlayıb. Erməni nazir Türkiyənin şərtlər irəli sürdüyünü deyib: “Türkiyədən dialoqun bərpası üçün müsbət siqnallar almışıq, lakin bu, çətin olaraq qalır. Ankaranın bir neçə şərti var. Türkiyə dəhlizin açılmasını istəyir. Regionda bütün kommunikasiyalar açıq olmalıdır. Ankaranın bizimlə şərtlə danışması dialoqumuzun alınmasına çətinlik törədir”.

“Atlas” Araşdırmalar Mərkəzinin rəhbəri Elxan Şahinoğlu bildirib ki, İrəvanın Azərbaycanla məsələləri həll etmədən Türkiyə ilə münasibətləri normallaşdırmaq məqsədilə Moskvaya müraciətinin arxasında hiyləgər gediş var. Politoloqun fikrincə, İrəvanın növbəti açıqlamasında da Türkiyə ilə münasibətlərin qeyd-şərtsiz normallaşdırılması tələbi dayanıb:

“Ankara Ermənistandan birinci növbədə Türkiyənin və Azərbaycanın ərazi bütövlüyünü tanımağı tələb edib. Bundan başqa Türkiyənin Xarici işlər naziri Mövlud Çavuşoğlunun bəlli açıqlaması var ki, Türkiyə Ermənistanla münasibətlərin normallaşması məsələsində Bakı ilə koordinasiyalı şəkildə çalışacaq. Bu, Türkiyə-Azərbaycan strateji müttəfiqliyinin ruhuna uyğundur. Yəni Ankara Bakı ilə birgə İrəvana mesaj yollayır ki, torpaq iddialarından vaz keç və dəhlizin açılmasını təmin et. Bunun qarşılığında əlaqələr quraq, əməkdaşlığa başlayaq, bölgədə yeni platforma yaradaq. İrəvan isə bunun əksinə “biz Türkiyə ilə münasibətləri normallaşdırmağa hazırıq, Ankara isə yenə şərt qoşur” mesajını Moskvaya ünvanlamaqla məhz Türkiyənin oyun pozucu olduğunu göstərməyə çalışır. Paşinyan ümid edir ki, Moskva da İrəvan kimi Ankaraya məsləhət görəcək ki, ilkin şərt irəli sürmədən Ermənistan hakimiyyəti ilə danışıqlara başlasın. Paşinyan bununla Moskva-Bakı münasibətlərində də çat yaradacağına inanır”.
Bugün, 20:50
İbrahim Rəisi Türkmənistana səfər edib
Bugün, 20:41
"Əfqanıstanın Türkiyənin köməyinə ehtiyacı var" - "Taliban"
Bugün, 18:30
Bu gün neçə nəfər yoluxub?
Bugün, 17:59
Əli Nağıyev İtaliyanın Maliyyə Qvardiyasının baş komandanını qəbul etdi
Bugün, 15:49
"Azərbaycanın atdığı addımların qarşılığını Ermənistandan gözləyirik" - Ceyhun Bayramov
Bugün, 13:27
Bakının bu küçələrində hərəkət məhdudlaşdırıldı
Bugün, 13:00
Ərdoğanın Türkmənistana səfəri başladı
Bugün, 12:27
Şəmkirdə bazar yandı - VİDEO
Bugün, 12:00
Qadını şəkilləri ilə şantaj edərək qızıllarını alan şəxs saxlanıldı
Bugün, 11:32
Peskovdan üçtərəfli görüşlə bağlı AÇIQLAMA
Bugün, 11:15
Türkiyədə zəlzələ oldu
Bugün, 10:33
Əliyevin çıxışı göstərdi ki, Bakı və Moskva... - TƏHLİL
Dün, 17:14
"Yaxşı nəticələr əldə olunacaq” - İlham Əliyev
Dün, 16:59
İlham Əliyev sülhməramlılardan DANIŞDI
Dün, 16:39
"Azərbaycan və Rusiyanın tərəfdaşlığı uğurla inkişaf edir” - Putin
Dün, 16:25
Yoluxanların sayı açıqlandı
Dün, 16:08
İlham Əliyev və Putin arasında ikitərəfli görüş başladı
Dün, 13:48
Tanınmış diktor vəfat etdi
Dün, 13:19
Ali məktəblərə qəbul proqramına dəyişiklik edildi
Dün, 12:47
Elman Rüstəmov bu vəzifəsini İTİRDİ - FOTO
Dün, 12:16
İlham Əliyev Soçiyə getdi
Dün, 11:51
Cahangir Əsgərov Ərdoğana verdiyi sözü tutdu - FOTO
Dün, 10:56
Azərbaycanda Bələdiyyə Məcəlləsinin qəbul edilməsi təklif olunur
Dün, 10:15
Onu oğurlamaq istəyən şəxsin əlindən qurtulan 5-ci sinif şagirdi DANIŞDI - VİDEO
Dün, 09:52
İran Qasim Süleymanini öldürənləri edam edəcək
Dün, 09:34
Azərbaycanda hərbçi BIÇAQLANDI
Dün, 08:55
BAHALAŞMA MƏRƏZİ: Süni yaradılıb, yoxsa xaricdən gətirilib... - Məmurlarla ekspertlərin qiymət mübahisəsi