Bakı Dövlət Universiteti 100 illik yubileyi münasibətilə kütləvi informasiya vasitələrinin nümayəndələri arasında «100 ilin zirvəsində» adlı xüsusi müsabiqə elan edir.

Modern.az-ın məlumatına görə, müsabiqəyə BDU ilə bağlı bütün janrlarda yazılar qəbul olunur.



Müsabiqənin müddəti: 1 avqust – 1 oktyabr 2019-cu il.



Müsabiqənin şərtləri:



Materiallar yeni və orijinal olmalı;

Müsabiqə elan olunduqdan sonra qəzet, jurnal və ya internet portallarında dərc edilməli;

Materiallarda “Bakı Dövlət Universitetinin “100 ilin zirvəsində” mövzusunda keçirdiyi müsabiqəyə təqdim olunur” qeydi olmalı;

Çap olunduqdan sonra [email protected] elektron ünvanına mövzu yerində “100 ilin zirvəsində” qeydi edilməklə və yaxud birbaşa BDU Mətbuat və informasiya şöbəsinə təqdim edilməlidir.



Qeyd:



Yazı müəllifi kütləvi informasiya vasitəsində çalışmalıdır.

Qurumların mətbuat xidmətlərinin əməkdaşları da müsabiqədə iştirak edə bilərlər.

Müsabiqə üçün təqdim ediləcək materialın müəllifin çalışdığı KİV-də verilməsi şərt deyil.



Mükafatlandırma:



Mükafatlandırma mərasimi BDU-nun 100 illik yubiley tədbirləri çərçivəsində keçiriləck.



1-ci yer – 1000 manat (1 nəfər)
2-ci yer – 500 manat (2 nəfər)
3-cü yer – 300 manat (3 nəfər)



Hər biri 200 manat olmaqla 5 həvəsləndirici mükafat.