Sahibkarları əliboş qoyan sığorta bazarı: - ““EuroHome” da “Binə” Ticarət Mərkəzi kimi sığortalanmağa uyğun deyil”
Gündəm / Sosial
Oxunub: 503
12 Ara 2019 | 12:45
Sahibkarları əliboş qoyan sığorta bazarı: - ““EuroHome” da “Binə” Ticarət Mərkəzi kimi sığortalanmağa uyğun deyil”

Dekabrın 10-da Bakı şəhəri, Binəqədi rayonu ərazisindəki “EuroHome” tikinti materialları bazarında baş vermiş yanğında ənənəvi olaraq çoxsaylı sahibkarlar zərər gördü.

Hadisədən sonra sözügedən bazarın icraçı direktoru Kərimə xanım bildirib ki, bazarda olan obyektlərin hamısı sığortalanıb. Amma mağazaları yanan sahibkarların etiraz aksiyası keçirərək Bakı-Sumqayıt yolunu bağlamaq cəhdləri xanım icraçı direktorun açıqlamasının həqiqətə uyğun olmadığını ortaya çıxarır.

Sahibkarlar yanğın nəticəsində ağır maddi itkilər verdiklərindən və banka olan kredit borclarını ödəyə bilmədiklərindən şikayətlənib. Yanğın nəticəsində bazarın əsas hissəsi yararsız hala düşüb. Sahibkarların sözlərinə görə, mağazaların heç də hamısının yox, çoxunun sığortası yoxdur. Sığortası olan sahibkarlar isə başlarına nəyin gələcəyindən xəbərsizdir. Məlumata görə, təxminən 5 hektar bazar ərazisinin 2 hektarı yanıb. Hadisə zamanı azı 9 nəfər xəsarət alıb. Fövqəladə Hallar Nazirliyinin açıqladığı rəqəmlərə görə, 17500 kvadrat metr ərazi yanıb, 24700 kvadrat metr ərazi isə yanğından mühafizə olunub. Yanğınla bağlı Cinayət Məcəlləsinin 225.2-ci (Yanğın təhlükəsizliyi qaydalarını pozma, ağır nəticələrə səbəb olduqda) maddəsi ilə cinayət işi də başlanıb.

“Kasko.az” online sığorta platformasının təsisçisi Nizami Mənsimov “Cümhuriyət” qəzetinə açıqlamasında təəssüf hissə ilə bildirib ki, sığorta məsələsi sığorta hadisəsi baş verəndən sonra 1-2 ay ərzində gündəmdə olur:

“Oxşar hadisələr bundan əvvəl də “Binə”, “Sədərək”, “Diqlas” və digər ticarət mərkəzlərində və iaşə obyektlərində başa vermişdi. Həmin ərəfələrdə də daşınar və daşınmaz əmlakın sığorta məsələsi aktuallaşmışdı. Ümumiyyətlə, bu cür bazarların tikintisi müəyyən norma və standartlara cavab vermir. Sözügedən tikinti bazarında bir neçə dəfə olmuşam. Apardığım müşahidələr bunu deməyə əsas verir ki, “EuroHome”da “Binə” Ticarət Mərkəzi kimi sığortalanmağa uyğun deyil. Sığortanı gələcəkdə baş verə bilən hər hansı fövqəladə bir hadisənin qarşısını almaq üçün edirik. Amma Azərbaycanda fəaliyyət göstərən bütün ticarət mərkəzlərində fövqəladə halın baş verməsi qaçılmazdır.

Çünki həmin layihələr tikilərkən fövqəladə halların baş verməsi nəzərə alınmayıb. Bu barədə sığorta şirkətlərinin qarşısında məsələ qaldıranda onlar bu cür tikililərin potensial təhlükə mənbəyi olduğunu bildirir. Bu ticarət mərkəzlərində xırda fövqəladə halların ağır nəticələri ola bilər. Bu baxımdan hansısa obyektlərin sığortalanması, sahibkarların maariflənməsi heç nəyi dəyişməyəcək. Həmin obyektlər sökülüb yenidən tikilməlidir ki, sığorta şirkətləri də həmin əmlakların tikintisində bütün normalara riayət olunduğuna şahid olsun. İstər “EuroHome”da, istərsə də digər ticarət mərkəzlərində baş verən yanğın hadisələri göstərdi ki, burada heç bir tikinti normativlərinə əməl olunmayıb. Bazar yanır, ancaq yanğınsöndürən briqadası yanğının axırına gedib çata bilir. Çünki bazar tikiləndə yanğın baş versə, yanğınsöndürən necə gələcəyi, təxliyə planının necə həyata keçiriləcəyi nəzərə alınmayıb. Bu səhlənkarlıq da sahibkarlara böyük zərər vurur”.

“Azərbaycanda sığortalı kənd təsərrüfatı ilə məşğul olmaq potensial təhlükə mənbəyidir”

Ekspert onu da vurğulayıb ki, sığorta şirkətləri standartlara cavab verməyən obyekt və ya iaşə müəssisələrini sığortalamaqda maraqlı görünmür:

“Nümunə olaraq bildirim ki, Azərbaycanda kənd təsərrüfatı sektoru sığortalanma istiqamətində həmişə geri qalır. Bunun sadə səbəbləri var. Avropada əkinlə məşğul olan sahibkar fikirləşir ki, onun sahəsinə dolu düşər və yaxud sel apara bilər. Yəni təbiət hadisəsi baş verməsə, bu əkin bitəcək. Amma Azərbaycanda təəssüflər olsun ki, suvarma sistemləri normal deyil, savadlı aqronomlar yoxdur və.s. Bir sözlə, Azərbaycanda sığortalı kənd təsərrüfatı sahəsi ilə məşğul olmaq potensial təhlükə mənbəyi hesab olunur. Yəni təbiət hadisəsi baş verməsə belə, fermerin əkin sahəsinin bitməməsi üçün 100 faiz qarantı var. Yüksək məhsuldarlıq təsadüfən əldə oluna bilər. Oxşar situasiyanı heyvandarlığa da şamil etmək olar. Fakt ölkəmizdə sığorta sahəsində nizamsızlıq var”.
Bugün, 16:22
Seçkilərin ən gənc və ən yaşlı NAMİZƏDLƏRİ - 18 yaş, 90 yaş...
Bugün, 15:38
AzTV Arayikin müsahibəsini bu axşam yayımlayacaq
Bugün, 15:11
Şahramanyan agentlik edir! - Hakim fraksiya onu HƏDƏLƏDİ
Bugün, 13:54
“Bununla bağlı qərarda Putinin rəyi rəhbər tutulacaq”
Bugün, 11:53
Bağça müdiri olmaq istəyənlər imtahan verəcək
Bugün, 11:14
Magistraturaya qəbul üçün qeydiyyat BAŞLADI
Bugün, 10:37
Brüsseldə üçtərəfli görüş: Qərb Ermənistanı silahlandırmağı sürətləndirir
Bugün, 09:47
Bu il Qədr gecələri nə vaxta düşür? - TƏQVİM
Bugün, 09:25
Təhlükəsizlik orqanlarının yaranmasının 105 illiyi
Dün, 15:57
Moskvadakı terrorda ölənlərin sayı 140-a çatdı
Dün, 15:14
“Nəsimi” stansiyasında yanğın
Dün, 14:37
Prezidentdən Elçin Babayevlə bağlı - Sərəncam
Dün, 14:03
Cenevrədə Fransanın kolonializm siyasəti tənqid edildi
Dün, 12:57
Ailə üzvlərinin qətlində ittiham olunan Əhməd təcridxanaya qaytarıldı
Dün, 12:12
Türkiyədə seçkilərə 4 gün: Partiyalarda qadın və kişi namizədlər...
Dün, 11:36
Əcnəbilərin Rusiyaya vizasız giriş qaydaları sərtləşdirilə bilər
Dün, 10:21
Şahdağa yarım metrdən çox qar yağıb - FAKTİKİ HAVA
Dün, 09:51
Bakıda 15 yaşlı qız itkin düşüb
Dün, 09:20
27 Mart - Azərbaycanda Elm Günüdür
Dün, 08:55
134 nəfər Füzuliyə YOLA SALINDI
26-03-2024, 17:44
Bakı Dəmiryol Vağzalında avtomobillər üçün parkinq tarifləri müəyyənləşib
26-03-2024, 16:51
25 yaşlı qadın öldürüldü - Əri tutuldu
26-03-2024, 15:57
Pakistanda partlayış: 5 Çin vətəndaşı öldü
26-03-2024, 14:50
İki “Hunday” toqquşdu: sürücü belə xilas edildi - Video
26-03-2024, 14:30
Ağdərədə ermənilərə məxsus dayaq məntəqəsi aşkarlandı
26-03-2024, 13:36
Bakıda yenidən qurulan parklanmada qiymətlər...
26-03-2024, 12:23
Toivo Klaar Ermənistanın işğalçı siyasətini ört-basdır edir – BƏYANAT