xeberler.org
xeberler.org

Gəncə Regional Mədəniyyət idarəsi də, cənab Prezidentin çağırışına dəstək verdi-Video

25-03-2020, 22:52 16 dəfə baxılıb

Gəncə Regional Mədəniyyət idarəsi də, cənab Prezidentin çağırışına dəstək verdi-Video

Koronavirus (COVID-19) infeksiyasının ölkəmizdə yayılmasının qarşısının alınması məqsədilə, Nazirlər Kabineti yanında Operativ Qərargah tərəfindən xüsusi karantin rejiminin (24 mart 2020-ci il saat 00:00-dan etibarən 20 aprel saat 00:00-dək) elan edilməsi çərçivəsində, yaşı 65-dən yuxarı olan insanların da evdən çıxması qadağan olunb. Bu da koronavirus infeksiyasına yoluxma riski yüksək olan həmin kateqoriyadan olan insanların pandemiyadan qorunması məqsədinə xidmət edir. Azərbaycan Respublikasının Prezidenti cənab İlham Əliyevin göstərişinə əsasən, Əmək və Əhalinin Sosial Müdafiəsi Nazirliyi tərəfindən bütün sosial xidmət işçiləri səfərbər olunmaqla gücləndirilmiş iş rejimi şəraitində yaşı 65-dən yuxarı tənha yaşayan insanlara evlərində gündəlik sosial xidmətlər göstərilməyə başlanılıb. Koronavirus pandemiyasının ölkəmizdə yayılmasının qarşısının alınması istiqamətində tədbirlərindən bəhs edərkən, dövlətimizin başçısı xüsusilə yaşlı insanların qorunmalı olduğunu qeyd edib, onların yaşadıqları yerlərdə xidmətlər göstərilməsini tapşırıb, könüllülərimizin də bu işlərə qoşulmalı olduqlarını bildirib. Ölkə rəhbəri tərəfindən verlmiş belə bir tapşırıqdan sonra o da bəlli olub ki, respublika üzrə 10 mindən çox yaşı 65-dən yuxarı tənha yaşayan vətəndaşlara evlərində sosial xidmətlər (ev təsərrüfatı ilə bağlı işlərdə, əsas tələbat mallarının, dərman vasitələrinin alınmasında, kommunal ödənişlərin edilməsində və s.) göstərilir.

Koronavirus pandemiyasına qarşı mübarizə tədbirlərinə dəstək çərçivəsində sosial məsuliyyətdən çıxış edən dövlət qurumlarından biri də, Azərbaycan Respublikasının Mədəniyyət Nazirliyi, Gəncə Regional Mədəniyyət idarəsinin kollektividir. Artıq kollektiv üzvləri xüsusi karantin dövründə (24 mart 2020-ci il saat 00:00-dan etibarən 20 aprel saat 00:00-dək) “Siz hər zaman bizimləsiniz” adlı xeyirxah ənənələrimizi yaşadan kompaniyaya başlayıblar. Bu kompaniya çərçivəsində yaşı 65-dən yuxarı olan və mədəniyyət sahəsində çalışan ahıl insanlara baş çəkiləcək, onlara sovqat aparılacaq, onların hər birinə ev təsərrüfatı ilə bağlı işlərdə, təmizlik işlərində, əsas tələbat mallarının, dərman vasitələrinin alınmasında, kommunal ödənişlərin həyata keçirilməsində və s. köməkliklər olunacaq. Belə bir addımların atılması onu sübut edir ki, Gəncə Regional Mədəniyyət idarəsinin kollektivi cənab Prezidentin çağırışına dəstək olmaqla, əslində əsl vətəndaş məsuliyyətini ortaya qoymuş olurlar. Ona görə də, bu yöndə atılan addımı hər kəs lazımınca dəyərləndirib, sidq ürəkdən də alqışlamalıdır.

Hazırladı: Xəlil Yusifoğlu






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA