Həyatım, canım mələyim, əziz Nərminim!

Bakı Fransız Liseyinin şagirdlərinin nəzərinə - MÜRACİƏT

“Sərxoş idi deyə “prava”m olmasa da, maşını mənə sürdürdü”

Bakı Fransız Liseyi fəaliyyətini dayandırır - EKSKLÜZİV

Yalnız valideynlərini itirən uşağı övladlığa götürən qadınlar pensiyaya tez çıxacaq

Kəmaləddin Heydərovdan yüksək vəzifəyə TƏYİNAT

Hindistanda dünyanın ən böyük seçkiləri başladı

ŞOK: Rusiya kanalları Ermənistanda bloklanacaq - Erməni nazir açıqladı

Çox ağıllı olmasalar da, çox gözəl doğulan BÜRCLƏR

Həyatım, canım mələyim, əziz Nərminim!

Gündəm

Oxunub: 1 012

9 Tem 2020 | 11:00

Dahilərdən birinin sözüdür: “Dünyada uşaq qığıltısından təntənəli himn yoxdur!”

Bu həqiqətən belədir!

Heç təsəvvür edə bilməzsən ki, sənin dünyaya gəliişinə necə sevinmişik! Belə bir sevinci sən özün ana olanda özün də yaşadın.
Səni mənə verən Allaha ömrüm boyu duaçıyam .Sən.Allaha mənə verdiyi ən qiymətli varlıqsan.
Deyirlər qadının ən böyük vəzifəsi analıqdır.
29 il öncə Allah-taala sən Nərmini mənə verdi. Göz çəkmədən sənə baxırdım, fərəhim köksümə sığmırdı. Sən də gözlərini mənə zilləmişdin. Hələ heç nə hiss eləmirdin. Harada olduğunu, qarşındakının kim olduğunu bilmirdin.
Bapbalaca qız idin, bu işıqlı dünyaya yenicə göz açmışdın, dünyamızla tanış deyildin, necə bilərdin?! Köməksiz, qayğıya, qulluğa möhtac bir çağa idin.
Sənə baxıb kövrəldim: “Qızım, narahat olma, səni dünyanın xoşbəxti edəcəyəm!” - deyə pıçıldadım.
Bu sözləri sanki eşidib, məmnun qaldın. Sifətin işıqlandı.
Həmin gündən arzularım qanad açdı: Bu balaca qız sağlam böyüsün, diş çıxarsın, tez bir zamanda yerisin, dil açsın. “Ata”, “Ana” desin. O gün olsun qızım məktəbə getsin, o gün olsun məktəbi bitirib, universitet tələbəsi olsun, işə başlasın.
Gözəl qızım, ağıllı balam, sən böyüdükcə, səninlə bağlı arzularım da böyüdü. Günlər həftələri, həftələr ayları, aylar da illəri qovdu. Bir də baxdım ki, artıq yetkin qız olmusan. Qızlar bulağından su içmisən, baxan göz çəkmək bilmir. Ay deyir sən çıxma, mən çıxım. Gün deyir, yox, sən çıxma, mən çıxım.

Mən də qızıma baxıb fərəhləndim, nəğmə dedim:

Nərgizi üzüm lay-lay,
Yaxana düzüm lüy-lay.
Sən böyü, mən qocalım,
Toyunda süzüm lay-lay!
Adını atan qoydu, bəxtini Ulu Tanrım versin.
. Qumru nənə rəhmətə gedən günü sən dünyaya göz açdın. Onun yoxluğunu hiss etdirməmək üçün, bir növ təsəlli olaraq doğuldun!
Rəbbim səni və sənin kimi bütün övladları pisliklərdən, bəlalardan, xəstəliklərdən qorusun! Övlad valideyn ömrünün davamıdır, həm də davamçısıdır.
Ata, ana övladlar AİLƏ deyilən Şah əsərin həmmüəllifləridir.
Övladı dünyaya bəxş edən insanların ömrü uşaqlarının ruhunda, əməlində, arzularında, uğurlarında yaşayır!
Səni mübarizə, zəhmət və sevgi dolu ömrümün şah əsəri, ən barlı-bəhərli bağçası, meyvəsi hesab edirəm. Arxayınam ki, taleyimin bundan sonrakı ən mənalı və əlvan səhifələrini sən yazacaqsan! Öz uğurlarınla, mədəniyyətinlə, əxlaqınla, ANA missiyasına sədaqətinlə!
Sən mənim bütün arzularımı tamamladın. Gözəl bir ziyalı, mütəxəssis oldun! Ən əsası, İnsan və Vətəndaş oldun!.. Bir zamanlar mənə - analıq, sonra da - nənəlik statusu bəxş etdin. Bu adları taleyimin ən böyük mükafatları hesab edirəm... Allah sənə də övlad toyu qismət etsin.
Canım, mələyim mənim! Ad günün mübarək, gözəl, sevimli, istəkli qızım!

SƏNİ ÇOX SEVƏN ANAN!
09.07 1991