"Hər kəs səhifəsində nə paylaşırsa, bu onun tərbiyəsi, iç dünyasıdır”.

Xeberler.org bildirir ki, bunu Xalq artisti Məleykə Əsədova "7 Canlı" proqramında dediyi şeirin montaj edilməsindən danışarkən deyib. O, görüntüləri paylaşan sosial şəbəkə səhifələrinə, saytlara müraciət edir.

"Bir insan haqqında nəsə bilməj istəyirsinizsə, səhifəsindəki paylaşımlara baxın və biləcəksiniz ki, o insan özüdür, savadsızlığını, ailə tərbiyəsini paylaşır! O saxta videonu paylaşanlar çox gözəl bilirdilər ki, video montajdır, bəs niyə o tərbiyəsizliyə dəstək oldunuz? Səhifənizdə reytinqiniz qalxdı, yaxşı bəs, həyatda addımladığınız yolda vicdanınız, ruhunuz rahatladımı? Savadınız artdımı? Pul qazananda əqidənizi itirməyin! Təbii ki, varsa”, - deyə aktrisa əlavə edib.

Qeyd edək ki, M.Əsədova görüntüdə Bəxtiyar Vahabzadənin "Kimdir mənim düşmənim?" şeirini səsləndirib. Lakin videoda "yox" sözündən sonrakı səslər montaj edilib.