Bizə o günləri bir də yaşatmayın – ETİRAZ NİTQİ
Gündəm / Cəmiyyət
Oxunub: 20
22 Tem 2021 | 09:07
Bizə o günləri bir də yaşatmayın – ETİRAZ NİTQİ

21-ci əsrin insanı öz azadlığı, elmdə, texnologiyadakı irəliləyişi, uğuru ilə öyünürdü. COVID-19 bəlası isə göstərdi ki, əslində özümüzü böyük sandığımız qədər kiçiyik. “Artıq dünya insan iradəsinə tabe olur” qəbildən fikirlərlə öyünənlərin əlini sıxmağa başlayırdıq ki, anidən ortaya çıxan bir virus hamıya “dur!” əmri verdi.

Bilmirəm, saflığımızdan, yoxsa yaxşı görməyə çalışmağımızdan idi, amma əvvəllərdə bu əmri dünyaya nəfəs dərməsi üçün verilmiş şans hesab edirdik. İndi isə heç də belə deyil. Artıq ən axmaq adam da başa düşüb ki, bu gedişat nəfəsimizi dərməkdən çox, boğulmağımız üçün imiş.

Nə fərqi var, COVID-19-a yoluxub boğulursan, yoxsa iqtisadi çətinlik, sosial məhdudiyyətlər içində?! Nəticə dəyişmir. Fərqli olan prosesdir. Yenə əvvəlinci ölüm mərddir, birbaşa nəfəsini əlindən alır, vəssalam. İkinci isə nə öldürən kimi öldürür, nə yaşadan kimi yaşadır. Sadəcə süründürür.

Xatirimdən...

Artıq iki ilə yaxındır ki, yaşamırıq, həyatda qalmaq üçün mübarizə aparırıq. Geri dönüb sərt karantin rejimli günlərimizi xatırlayanda sağ qaldığımıza təəccüb edirəm. Bəlkə də çox insanın ötüb keçənləri xatırlamağa vaxtı və ya həvəsi yoxdur, amma ara-sıra sosial media hesabımdan “Ötən il bu gün” başlığı altında gələn xatırlatmalar həmin günləri unutmağıma imkan vermir. Əslində keçən il paylaşım edəndə elə bilirdim, bu həngamə yaxın zamanda bitəcək, biz də bu günləri qısa, tarixdən bir an kimi xatırlayacağıq. Belə olmadı...

Unutmuram. Sərt karantin rejiminin tətbiq edildiyi, SMS-icazə ilə evdən çıxdığımız günlərdən birində axşamçağı küçə ilə hərəkət edərkən özümü reallıqdan çox uzaqda hiss edirdim. Elə bilirdim, hansısa filmdəyəm. Boş, boz küçələr... Bağlı mağazalar, ara-sıra gözə dəyən tibbi maskalı, geyim rəngləri kimi üz-gözü tutqun adamlarla küçə böyü bir-birimizi ötüb keçdikcə qulağımın dibində iki səs bir-birini batırmağa çalışırdı:

Biri “Dünya dəli olmaq üzrədir. İnsanlar yavaş-yavaş ağlını itirir. Hər şeyin boz çalar alması ilkin əlamətdir. Sizi qəddarlıq və amansız mübarizə gözləyir” pıçıldayarkən, digər səs “İnsan hər vəziyyətə uyğunlaşa bilmək gücünə sahibdir, bu da adiləşəcək, qəbullanacaq və yaşamağa davam edəcəksiniz. Dünya var olduqca ağ və qara balansını qorumaqda davam edəcək. Mərhəmət də olacaq, qəddarlıq da. Xəstəlik də olacaq, şəfa da. Ölüm də olacaq, ümidsizlik gəldiyi anda yaşamağa davam etmək gücü də” söyləyirdi.

Reallıq belə idi ki, insanlar çarəsiz vəziyyətdə ölüm-qalım savaşı verirdilər. 190 manatı haqqı olan da alırdı, olmayan da. Haqqı olub ala bilməyənlərin səsinə səs verən, haqqını qaytaran isə olmurdu. Çörək almağa pulu olmayan adam hansısa karantin qaydasını pozduğuna görə cərimələnirdi. Fərdi yanaşmadan, vəziyyətə uyğun qərardan söhbət belə, gedə bilməzdi. Haqsızlıq görən, səsi eşidilməyən, halına yanan tapılmayan, tapılanda da özünü reklam edənlərin yaratdığı mənzərə olduqca çətin, dözülməz idi.

İndi düşünəndə ki, bunlar yenə yaşanacaq, adamın əhvalı təlx olur. Əslində deyə bilərsiniz ki, olmamışdan olacaq kimi düşünmək sadəcə insanın özünə zərər verir. Amma olma ehtimalına da göz yummaq adamın əlində deyil. Bir də ki, bir şey olandan sonra ondan danışan, çox olur, hamısı da boşuna.

Etirazım var!

İki ilə yaxındır ki, virusdan qorunmaq üçün əsas qaydaları mənimsəməyə kifayət qədər vaxtımız olub. Daha insanlar cərimə olunmaq qorxusundan yox, qorunmaq üçün tibbi maska taxır, əllərini tez-tez yuyur, spirtləyir, mümkün olduğu qədər sosial məsafə saxlayır. Həkimlərin fikrinə inanır, peyvənd olunmağa maraq göstərirlər. Ən azından ölkəmiz üzrə hər gün peyvənd olunanların statistik nəticəsi bunu deməyə əsas verir. Bir həqiqət də var ki, biz üzüyola xalqıq. İttiham etmədən, günahlandırmadan nə deyilsə, əməl edənik.

Mən bir də insanların 190 manata möhtac qalmasını, boynubükük halda bir kilo düyü, bir litr yağ, yarım kilo qənd üçün sıraya düzülməsini, evdə böyük-kiçiyin üzünə baxa bilməyən, beli bükülmüş, göz yaşı donmuş ataları görmək istəmirəm.

Karantin rejiminin sərtləşdirilməsi ilə insanların bir də maddi, mənəvi çöküşünü hazırlamaq yolverilməzdir.

Müəllif: Aləmdə Nəsib //AYNA.AZ//
Dün, 21:10
Ərdoğan yanğının söndürülməsində Azərbaycandan cəlb olunan təyyarələrin köməyindən danışdı - VİDEO
Dün, 20:27
Türkiyədə olan FHN-in yanğınsöndürmə qüvvələri yanğınlarla mübarizəni davam etdirir - VİDEO
Dün, 20:07
Mehriban Əliyeva: “Peşəkar insan ehtiyatı hər bir ölkənin sərvəti hesab olunur”
Dün, 19:22
Putinlə Ərdoğan arasında telefon danışığı olub
Dün, 18:13
Yoluxanların bu günə olan statistikası açıqlandı
Dün, 17:50
“Haber Global”: Üç gündür yanğın davam edən Marmarisdə son vəziyyət - VİDEO
Dün, 17:06
Türkiyədəki yanğına güləcək qədər riyakar olan ermənilər...
Dün, 16:17
Azərbaycan Ordusunun hərbi qulluqçusu həlak olub - RƏSMİ
Dün, 15:59
Sahibə Qafarovadan polisi döyən deputatla bağlı SƏRƏNCAM
Dün, 14:10
Cahit Bağçı Türkiyədəki meşə yanğınları ilə bağlı son vəziyyəti açıqladı - FOTO
Dün, 13:24
"Kəmələddin Heydərov mənə zəng etdi və..." - Çavuşoğlu
Dün, 12:42
Avqustun ilk günü hava necə olacaq?
Dün, 12:18
Prezident Flora Kərimova ilə bağlı sərəncam imzaladı
Dün, 11:32
Milli Məclisin növbədənkənar sessiyasının çağırılması üçün imzalar toplandı - Eldəniz Səlimovla bağlı qərar verilir
Dün, 11:11
Azərbaycanda benzin BAHALAŞDI
Dün, 10:44
Sürücüsü Xanhüseyn Kazımlının maşınına yaxınlaşan azyaşlı qızı döydü - Yenilənib
Dün, 10:10
Çavuşoğludan eyni vaxtda başlayan yanğınlarla bağlı - Açıqlama
30-07-2021, 17:27
TƏBİB rəsmisi xəstəxanaların fəaliyyətini tənqid etdi
30-07-2021, 17:02
Azərbaycanlı məşhurlardan yanğınlarla bağlı Türkiyəyə dəstək mesajları
30-07-2021, 16:37
Azərbaycanda son sutkada koronavirusa yoluxanların sayı açıqlandı: Üç nəfər öldü - FOTO
30-07-2021, 16:37
Rövşən Əhmədovun fəaliyyəti təqdirə layiqdir
30-07-2021, 16:27
“Azərsu” ASC-nin bu idarəsində RƏZALƏT – Rəşad Həsənov iki xanım işçini XƏSTƏXANALIQ ETDİ
30-07-2021, 15:40
Prezident sərəncam imzaladı
30-07-2021, 15:20
Məşhur azərbaycanlı ifaçıların işbirliyi bitdi
30-07-2021, 15:01
“Bir nəfər deyə bilməz ki, mən bu qətli törətmişəm” - General Rövşən Əkbərov
30-07-2021, 14:20
Azərbaycanda əhalini vaksinasiyaya cəlb etmək üçün həvəsləndirici addımlar atıla bilər - AÇIQLAMA
30-07-2021, 13:27
Azərbaycan Tokio-2020-də ilk medalını qazandı