Banklar mərclə bağlı pul köçürmələrini dayandırmağa başlayıb
Gündəm / Cəmiyyət
Oxunub: 17
15 Ock 2022 | 15:17
Banklar mərclə bağlı pul köçürmələrini dayandırmağa başlayıb

Son günlər sosial şəbəkələrdə Azərbaycan banklarının xarici mərc saytlarına pul köçürülməsi və uduşları qəbul etməyi dayandırdığı haqda məlumatlar yayılır. Bununla bağlı banklar öz müştərilərinə xəbərdarlıq SMS-ləri də göndərirlər.

Sözügedən məhdudiyyət hələ ötən ilin sonunda Milli Məclisdə İnzibati Xətalar Məcəlləsinə qumar oyunları ilə bağlı bir sıra dəyişikliklər edilməsi ilə bağlıdır. Belə ki, həmin dəyişikliklər bu ilin yanvarın 1-dən tətbiq edilməyə başlayıb. Ölkədə fəaliyyət göstərən banklar tərəfindən qumar və mərc oyunları üzrə Azərbaycanda keçirilən qanuni lotereya və mərc oyunları istisna olmaqla, bank əməliyyatlarının aparılmasının qadağan olunması barədə məsələ sosial şəbəkələrdə geniş yayılmağa başlayıb.

Məcəlləyə edilmiş dəyişikliklərə əsasən, qumar və mərc oyunları üzrə xaricdə bank əməliyyatlarının aparılması qadağan olunub. Belə ki, dayandırılan əməliyyat növlərinə ölkəxarici qumar/mərc oyunlarında iştirak üçün ödənişlərin/köçürmələrin aparılması şamil olunur. Bu qadağa həm onlayn saytlar vasitəsilə aparılan əməliyyatlara, həm də kartın fiziki iştirakı ilə keçən əməliyyatlara aid edilir.

Həmçinin mərc oyunlarından gələn uduşların qəbul olunması və bununla əlaqədar müvafiq ödəniş tapşırıqlarının icrası, mərc oyunlarından gələn mükafat və digər köçürmələrin qəbulu da bu kateqoriyaya daxildir.
Banklar mərclə bağlı pul köçürmələrini dayandırmağa başlayıb
Məcəllənin 401-ci maddəsinə əsasən, qumar oyunlarının təşkili, keçirilməsi, iştirak üçün biletlərin (və ya biletə bərabər tutulan digər iştirak hüququnun) satışı ilə, qumar oyunlarında iştirakla bağlı müştərinin ödəniş tapşırıqlarının və ya bank hesabı üzrə digər əməliyyatlarının bank əməliyyatları aparan şəxslər tərəfindən icrasına (aparılmasına) görə müvafiq maliyyə sanksiyaları da nəzərdə tutulub.

Qumar oyunlarının təşkilinə və keçirilməsinə görə inzibati xətanın törədilməsinə alət olmuş predmet, habelə qumar oyunlarına qoyulmuş pul vəsaitləri və ya digər əmlak, uduş fondu, həmçinin qumar oyunu nəticəsində əldə edilmiş gəlir müsadirə edilməklə fiziki şəxslər 3 min, vəzifəli şəxslər 7 min, hüquqi şəxslər 40 min manat məbləğdə cərimə ediləcək.

Azərbaycan ərazisindən qumar oyunlarında iştirak üçün imkanın yaradılması, o cümlədən, qumar oyunlarının oynanıldığı virtual mühitə çıxışın təmin edilməsinə görə fiziki şəxslər 3 min, vəzifəli şəxslər 7 min, hüquqi şəxslər isə 40 min manat məbləğdə cərimələnəcək.

Qumar oyunlarında iştirak üçün biletlərin (və ya biletə bərabər tutulan digər iştirak hüququnun) satışının təşkili və (ya) satışına görə fiziki şəxslər 3 min, vəzifəli şəxslər 7 min, hüquqi şəxslər 40 min manat məbləğdə cərimə ediləcək.

Qumar oyunlarında iştirak üçün mərclərin qəbul edilməsi, pul vəsaitlərinin, əşyaların və qeyri-maddi əmlak nemətlərinin qəbulu, köçürülməsi, ödənilməsi, uduşların, mükafatların və ya digər gəlirin verilməsi, bunların təşkili və bunlarla əlaqədar xidmətlərin göstərilməsinə görə fiziki şəxslər 3 min, vəzifəli şəxslər 7 min, hüquqi şəxslər 40 min manat məbləğdə cərimə ediləcək.

Qumar oyunlarının təşkili, keçirilməsi, iştirak üçün biletlərin (və ya biletlə bərabər tutulan digər iştirak hüququnun) satışı, qumar oyunlarında iştirakla bağlı müştərinin ödəniş tapşırıqlarının və ya bank hesabı üzrə digər əməliyyatlarının bank əməliyyatları aparan şəxslər tərəfindən icrasına (aparılmasına) görə fiziki şəxslər 3 min, vəzifəli şəxslər 7 min, hüquqi şəxslər 40 min manat məbləğdə cərimə ediləcək.

Qeyd edək ki, Məcəllədə “qumar oyunları” dedikdə lotereya təşkilatçısı tərəfindən “Lotereya haqqında” qanuna uyğun olaraq keçirilən lotereyalar (o cümlədən stimullaşdırıcı lotereyalar) və idman mərc oyunları operatoru tərəfindən “Bədən tərbiyəsi və idman haqqında” qanuna uyğun olaraq keçirilən idman mərc oyunları istisna olmaqla, digər şəxslər tərəfindən sahibkarlıq fəaliyyəti çərçivəsində təşkil edilən və ya keçirilən qeyri-müəyyənlikdən və ya təsadüfdən asılı olan uduşların, mükafatların və ya digər gəlirin verilməsini nəzərdə tutan lotereya, idman mərc oyunları qumar oyunu hesab edilir.
Bugün, 18:11
Prezidentdən Fatma Səttarova ilə bağlı SƏRƏNCAM
Bugün, 18:00
Kolleclərə qəbul imtahanının vaxtı məlum oldu
Bugün, 17:54
Nazir Ramiz Zeynalovun müavinini İŞDƏN ÇIXARDI - FOTO
Bugün, 17:42
Buraxılış imtahanlarının vaxtı AÇIQLANDI
Bugün, 15:40
TƏBİB-də yeni kadr təyinatı olub - FOTO
Bugün, 15:17
Azərbaycanda karantin müddəti niyə 7 günə salındı?
Bugün, 15:01
"Paşinyana o vaxt dəstək ola bilərəm ki, əşyalarını toplayıb getsin"
Bugün, 14:43
Sabah hava necə olacaq?
Bugün, 14:28
İranlı nazir Füzulidə - FOTOLAR
Bugün, 14:04
Azərbaycanla bu ölkə arasındakı viza rejimi ləğv edildi
Bugün, 13:50
İlham Əliyev bu qanunu təsdiqlədi
Bugün, 13:33
"Beynəlxalq sahədə ixtisaslaşmış jurnalistlərə ehtiyac var" - Əhməd İsmayılov
Bugün, 13:04
Nazirlik bələdiyyəni MƏHKƏMƏYƏ VERDİ
Bugün, 12:40
Prezident bu xanımı sədr müavini TƏYİN ETDİ - FOTO
Bugün, 12:28
Bu ölkənin prezidenti hərbçilər tərəfindən SAXLANILDI
Bugün, 12:21
Prezident İlham Əliyev tarixə adını qalib sərkərdə kimi yazan ölkə başçısıdır.
Bugün, 11:38
"Jurnalistlər zəruri məlumatlarla təmin edilməlidir" - Əhməd İsmayılov
Bugün, 10:55
DİN Bərdədəki qətllə bağlı MƏLUMAT YAYDI
Bugün, 10:34
Ermənistan prezidenti ölkədən qaçıb?
Bugün, 10:03
"Ötən il qeydə alınan cinayətlərin 87,3 faizinin üstü açılıb" - Kamran Əliyev
Bugün, 09:32
Daha 16 nəfər toylara görə cərimələndi
Bugün, 09:08
Sumqayıtda ev yandı - Ölən var
Bugün, 08:53
Sarkisyan səlahiyyətlərini o icra edəcək
Bugün, 07:34
Bu günün HAVA PROQNOZU açıqlandı
Bugün, 07:22
"Hər şey əladır" - Müşfiq Abbasovdan qəribə AÇIQLAMA
22-01-2022, 23:42
Bakıda dicey intihar etdi
22-01-2022, 23:00
Çin lideri Putindən Ukraynada "müharibə" başlatmamasını istədi