İstivurma və günvurmadan necə qorunmaq olar? - AÇIQLAMA
Gündəm / Cəmiyyət
Oxunub: 21
28 Haz 2022 | 16:42
İstivurma və günvurmadan necə qorunmaq olar? - AÇIQLAMA


"İstivurma uzun müddət xarici mühitdə qalma nəticəsində bütün bədənin həddindən artıq istiləşməsindən yaranan vəziyyətdir. Bu zaman orqanizmin ümumi isinməsi, bədən hərarətinin yüksəlməsi və nəticədə vacib funksiyalarının pozulmasına səbəb olur".

Bunu Səhiyyə Nazirliyinin mütəxəssis-eksperti, terapevt Zakir Quliyev deyib.

O bildirib ki, istivurmanın bir növü olan günvurma birbaşa günəş şüalarının düşməsi nəticəsində beyin damarlarının artan temperaturun təsirindən genişlənməsi ilə yaranır:

"İstivurma günvurmaya nisbətən daha tez baş verir. İstivurma üçün günəş əsas şərt deyil, hava buraxmayan isti paltarda fasiləsiz işləmək, isti havada uzun müddətli və yaxud bir neçə saat havasız, pis ventilyasiya olan yerdə keçirmək kifayət edir.

Günvurmanın əsas əlamətləri – üzün qızarması, şiddətli baş ağrısı, başgicəllənmə, gözlərin qaralması, ürək bulanma, qusma, burundan qanın axması və görmə qabiliyyətinin pozulmasıdır.

Xəsarət alan şəxsi dərhal təmiz havaya, kölgəyə, sərin və normal ventilyasiya olan yerə çıxartmaq, paltarının yaxasını açmaq və başı azca qaldırılmış vəziyyətdə kürəyi üstə uzatmaq lazımdır.

Başının üstünə soyuq kompress (yaş sarğı) qoymaq, bədənini yaş parçaya bükmək və yaxud soyuq su vurmaq (çiləmək), çoxlu sərin su vermək məsləhətdir.

Tənəffüs pozulduğu halda təcili olaraq pambığı naşatır spirti ilə isladıb bir neçə dəfə ehtiyatla xəsarət alanın burnuna yaxınlaşdırmaq lazımdır.

Əgər xəsarət alan insan özündən gedib, nəfəsi dayanıb, nəbzini əl ilə yoxlayıb tapmaq olmur və ətrafda həkim yoxdursa, bu halda davamlı süni nəfəsvermə və ürəyin qapalı masajı etmək tövsiyə olunur".

Nazirlik rəsmisi günvurmadan əziyyət çəkənlərin sayını da açıqayıb. O bildirib ki, yay mövsümi başlayandan hələ ki anomal isti hava şəraiti qeydə alınmayıb:

"Amma mövsüm başlayandan etibarən Bakı şəhər Təcili və Təxirəsalınmaz tibbi yardım stansiyasına bununla bağlı bir neçə müraciət daxil olub.

Belə ki, 12 nəfər günvurmadan əziyyət çəkərək təcili yardıma müraciət edib. Onlardan 10-na xəstəxanada, 2 nəfərə isə yerindəcə yardım göstərilib. Uşağı birbaşa günəş şüalarına məruz qalmasından qorumaq məqsədilə ilk növbədə onun başını və ya bədənini panama və ya dəsmal ilə örtmək lazımdır.

Ondan başqa, istivurmanın qarşısını almaq üçün çimərlikdə üzmək ilə qum vannasının qəbulunu növbə ilə etmək məsləhət görülür.

Körpənin rasionuna, xüsusilə də gündüz saatlarında və günəş şüası qəbulunu planlaşdırıldığı zaman meyvə-tərəvəz məhsulları daxil olmalı, yağlı qidalar və ət məhsullarını məhdudlaşdırmalıdır.

Qazsız içkilər və şəkərsiz kompotlara üstünlük verilməsi tövsiyə olunur. Bu profilaktik tədbirlərə riayət edilərsə, istivurma təhlükəsi körpələrdən yan keçəcək".

Terapevt isti günlərdə açıq havada işləyərkən nələrə diqqət yetirmək lazım olduğunu da vurğulayıb: "Açıq havada, xüsusilə isti yay günlərində günəşin altında olmağınız səhər 10-na kimi və axşam 6-dan sonra tövsiyə olunur.

Zərurət yarandığı halda çölə çıxarkən günəş kremi məhsullarından istifadə nəticəsində dərini günəş ləkələrinin yaranmasından xilas edə bilərik.

Baş nahiyəsini günəşdən qorumaq üçün gün eynəkləri, qoruyucu papaqlar və çətirlərdən istifadə edilməlidir. Yüngül yumşaq materiallardan hazırlanan paltarı geyinmək məsləhətdir.

Həmçinin çox maye qəbulu məsləhətdir, xüsusən təmiz, sərin su. Onu da nəzərə almaq lazımdır ki, çox isti havada həddindən artıq idman etmək insan səhhəti üçün təhlükəli ola bilər".
Dün, 17:41
Xankəndi nəzarətə götürüldü
Dün, 17:26
Dünyaca məşhur aktrisa Ukraynaya getdi
Dün, 17:16
Prezident əlcəzairli naziri qəbul etdi
Dün, 16:26
Leyla Əliyeva güləşçilərimizin çıxışlarını izləyir - FOTO
Dün, 15:41
İlham Əliyevin Türkiyəyə işgüzar səfəri başa çatdı
Dün, 15:25
Qaranlıqda telefon istifadə edənlərin NƏZƏRİNƏ!
Dün, 15:23
"Google" xəritəsinin Qarabağ hissəsi yenilənəcək
Dün, 14:05
"Qarabağ"ın “Viktoriya” ilə oyunlarının vaxtı bilindi
Dün, 13:22
“AzInTelecom” MMC fövqəladə hallarda məlumatların qorunması və fasiləsiz iş xidmətini təqdim edir
Dün, 12:58
Xeyirxahlıq əbədidir ölməzdir
Dün, 11:46
Xaricdə təhsillə bağlı magistratura səviyyəsi üzrə sənəd qəbulu elan edildi
Dün, 10:55
Abituriyentlərə ŞAD XƏBƏR: Bu ixtisas qrupu üzrə ballar aşağı düşəcək
Dün, 10:04
Baş nazirdən ƏƏSMN-lə bağlı QƏRAR
Dün, 09:43
Dövlət hesabına xaricdə təhsil alacaq gənclərin ilk siyahısı TƏSDİQLƏNDİ
Dün, 09:31
Xalq artisti erməninin şərlədiyi qazidən yazdı
Dün, 09:16
Birinci vitse-prezident açılışdan daha bir paylaşım etdi - VİDEO
9-08-2022, 18:24
Bəzi saytlara hücumlar olunub - RƏSMİ
9-08-2022, 18:04
Ceyhun Bayramov Qarabağdakı gərginlikdən DANIŞDI
9-08-2022, 17:50
"Bu, hamımız üçün böyük qürurverici hadisədir" - İlham Əliyev
9-08-2022, 15:15
Kağız üzərindəkinə yaxın durmayan inflyasiya: bahalaşmanı niyə cilovlaya bilmirlər? - NƏ ETMƏLİ?
9-08-2022, 14:59
DİM bu şəxslərə xəbərdarlıq etdi
9-08-2022, 14:38
Ağdam xəstəxanasında kütləvi zəhərlənmə - Yenilənir
9-08-2022, 14:16
Orta aylıq əmək haqqı 14%-dən çox artıb
9-08-2022, 13:57
Prezident və xanımı idmançılarla görüşdü
9-08-2022, 13:51
Rayonlarda külək güclənəcək - XƏBƏRDARLIQ
9-08-2022, 12:55
Qarabağda 2 erməni hərbçi ölümcül yaralandı
9-08-2022, 12:37
İlham Əliyev Türkiyəyə işgüzar səfərə gedib