Qardaşlıq münasibətlərin rəmzi
Gündəm / Cəmiyyət
Oxunub: 66
6 Ara 2023 | 12:46
Qardaşlıq münasibətlərin rəmzi

Səbuhi Əhmədov
Qaçqınkomun Mənzil İstismar Departamentinin direktoru


44 günlük İkinci Qarabağ müharibəsində Ermənistan silahlı qüvvələrini diz çökdürən Azərbaycan Ordusu bu Zəfərimizdən əvvəl də işğalçı dövlətə dəfələrlə dərs vermişdi. 2016-cı ilin Aprel döyüşləri, 2018-ci ilin Günnüt əməliyyatı bunun bariz nümunəsidir. Lakin Ermənistan bu dərslərdən nəticə çıxarmadı, əksinə yeni ərazilər uğrunda müharibə planları hazırladı. 27 sentyabr 2020-ci il tarixdə Ermənistan silahlı qüvvələrinin Azərbaycan ərazilərini müxtəlif istiqamətlərdən raket atəşinə tutmaları bu planlarının nümayişi oldu. İşğalçı dövlət tarixdə heç zaman unuda bilməyəcəyi dərsi aldı.

10 dekabr 2020-ci il tarixdə Bakının Azadlıq meydanında Vətən müharibəsində Qələbəyə həsr olunmuş Zəfər paradı keçirildi. Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın birgə iştirak etdiyi paradda Azərbaycan Silahlı Qüvvələrinin malik olduğu müasir silah və texnikalarla yanaşı, düşmənin döyüş meydanında məhv edilən və ya qənimət kimi ələ keçirilən silah-sursatı, hərbi texnikaları da nümayiş olundu. Dövlət başçısı, Müzəffər Ali Baş Komandan İlham Əliyev 44 günlük Vətən müharibəsi dövründə xalqa müraciətlərində daim düşmənin döyüş meydanında məhv edilən və qənimət kimi götürülən hərbi texnikası barədə ətraflı məlumat verərək bunların Azadlıq meydanında keçiriləcək hərbi paradda nümayiş etdirələcəyini bildirirdi. Cənab İlham Əliyev müharibəni böyük Qələbə ilə başa vuracağımıza əmin idi. Azərbaycan Ordusunun döyüş ruhu, qələbə əzmi belə bir əminliyə əsas verirdi. 30 illik işğal dövründə ən yüksək tribunalardan sülh danışıqları səmərə vermədiyi təqdirdə hərb variantının istisna edilməməsi də Silahlı Qüvvələrimizin gücünə, qüdrətinə inamdan irəli gəlirdi.

Bu mühüm məqamı da xüsusi qeyd etməliyik ki, Zəfərimizin əbədiləşdirilməsi, təbliği məqsədilə Bakının Xətai rayonunda açıq səma altında yaradılan Hərbi Qənimətlər Parkında da Azərbaycan Ordusunun düşmən üzərində sarsıdıcı uğurunu əks etdirən, düşməndən qənimət götürülən silah-sursat, hərbi texnika nümayiş olunur. Parkdakı eksponatlar arasında Silahlı Qüvvələrimizin işğaldan azad olunan ərazilərdə ermənilərdən qənimət götürdüyü 2 mindən çox hərbi avtomobilin nömrə nişanlarından hazırlanan və üzərində “Qarabağ Azərbaycandır!” şüarı əks olunan kompozisiya, Ermənistan tərəfindən törədilən müharibə cinayətləri, o cümlədən döyüş bölgəsindən uzaq olan ərazilərimizin raket zərbələrinə məruz qalması, dinc sakinlərin qətlə yetirilməsi və yaralanması barədə faktlar, düşmən tərəfindən Azərbaycan ərazisinə atılmış “İsgəndər-M” raketinin qalıqları var. Burada Vətən müharibəsinin gedişində düşməndən qənimət götürülən hərbi texnikanın bir qismi, ümumilikdə 300-dən çox eksponat, o cümlədən 150-dək ağır texnika, tanklar, döyüş maşınları, artilleriya qurğuları, zenit-raket kompleksləri, atıcı silahlar, hərbi nəqliyyat sərgilənir. Təqdim edilən eksponatlar, 10 səddən ibarət müdafiə sistemi, sığınacaqlar, hərbi kazarmalar, Vətən müharibəsinin gedişatı barədə məlumatlar Azərbaycana Zəfər qazandıran döyüşləri bir daha göz önündə canlandırmağa geniş imkan yaradır.

Bu gün böyük qürur hissi ilə qeyd edirik ki, Ümummilli Lider Heydər Əliyevin yaratdığı möhkəm təməl üzərində Azərbaycan Ordusu tarixinin ən şərəfli dövrünü yaşayır. Vətən müharibəsində qazandığımız şanlı Qələbədən sonra ordu quruculuğunda bir çox islahatlar aparıldı, işğaldan azad edilmiş ərazilərimizdə yeni hərbi hissələr yaradıldı. Silahlı Qüvvələrimiz qarşısında dayanan bütün vəzifələri yerinə yetirmək, ərazi bütövlüyümüzü və suverenliyimizi müdafiə etmək və sərhədlərimizi qorumaq üçün bütün imkanlara malikdir. Bu ilin 19-20 sentyabr tarixlərində həyata keçirilən lokal antiterror tədbirlərinin nəticələri Azərbaycan Ordusunun hansı imkanlara malik olduğunu bir daha təsdiqlədi. Müzəffər Ali Baş Komandan İlham Əliyevin 20 sentyabr tarixində xalqa müraciətində bəyan etdi: “Bizə xor baxanlar, torpağımıza göz dikənlər, uğurumuzu həzm edə bilməyənlər heç vaxt, heç vaxt unutmasınlar ki, “dəmir yumruq” yerindədir və hər zaman yerində olacaq! Heç kim bizimlə diktat və ultimatum dilində danışa bilməz! Bunu heç kim unutmasın! Onu da unutmasın ki, Qarabağ Azərbaycandır!”

Qeyd etdiyimiz kimi, Zəfər paradı Azərbaycan-Türkiyə qardaşlığının, dostluğunun nümayişi oldu. Türkiyə Prezidenti Rəcəb Tayyib Ərdoğan bu dostluğun sarsılmazlığını belə ifadə etdi: “Rəbbimə bizlərə bu günləri yaşatdığı üçün sonsuz şükür edirəm. Bu gün burada bütün qəlbimlə bir daha təkrarlamaq istəyirəm: Qarabağ Azərbaycandır! Qarabağ artıq Ana Vətəninə qovuşmuş, otuz illik həsrət sona çatmışdır. Türkiyə və Azərbaycan olaraq bundan sonrakı hədəfimiz bu torpaqları daha abad, daha inkişaf etmiş, uşaqlarımızın daha yaxşı yaşayacağı bir yerə çevirmək üçün mübarizə aparmaqdır. Türkiyə və Azərbaycan kürək-kürəyə verdikcə Allahın izni ilə çətinliklərin öhdəsindən gəlməyə, uğurdan-uğura çatmağa davam edəcəkdir.” Tarixi Zəfərimizdən çox keçmədi ki 2021-ci il 15 iyun tarixində Qarabağın tacı Şuşada Azərbaycan-Türkiyə münasibətlərinin gələcəyi üçün yol xəritəsi olan Şuşa Bəyannaməsi imzalandı. Bu sənəd dünyaya növbəti mesaj oldu: Dünya miqyasında Azərbaycan və Türkiyə qədər biri-birinə yaxın olan ikinci ölkələr yoxdur.
Bugün, 09:08
Bakıda yaşayış binasında yanğın - Sakinlər təxliyə olundu
Bugün, 00:59
Mehriban Əliyevadan Xocalı PAYLAŞIMI
Bugün, 00:32
Xocalı soyqırımının 32-ci İLDÖNÜMÜ
24-02-2024, 21:48
Makron G7 sammitində iştirakdan imtina etdi
24-02-2024, 20:40
Navalnının nəşi anasına təhvil verildi
24-02-2024, 16:04
Baş nazir qərar imzaladı: Ramazan bayramında 5 gün iş olmayacaq
24-02-2024, 15:46
Polşada ikinci Azərbaycan Evi açılıb
24-02-2024, 14:55
Bakıda orta aylıq əməkhaqqı açıqlandı
24-02-2024, 14:33
“Onlarla kütləvi məzarlığın yeri barədə məlumatlar var” - RƏSMİ
24-02-2024, 13:11
Hərbi vəzifəlilərin atəş hazırlığı... - Video
24-02-2024, 12:40
Azərbaycanda baş məşqçi istefa verdi
24-02-2024, 11:00
Putin Paşinyanla İrəvanın KTMT məsələsini müzakirə edəcək? - AÇIQLAMA
24-02-2024, 10:40
Azərbaycanda həbs edilən saxta general - Əzizov kimdir?
24-02-2024, 10:20
Müharibənin iki ili: Rusiya və Ukrayna nələr itirdi?
24-02-2024, 10:00
Çində dəhşətli yanğın: 15 ölü
23-02-2024, 19:21
Əli Əsədov yeni qərar imzaladı
23-02-2024, 18:25
Ombudsman Xocalıda tapılan kütləvi məzarlıqla bağlı çağırış etdi
23-02-2024, 17:52
Kreml Paşinyanı cavabsız qoymayacaq: sui-qəsd təşkil edə bilər
23-02-2024, 17:14
Sumqayıtda yaşayış binasında yanğın
23-02-2024, 16:35
Türkiyədə neft quyusunda partlayış: ölən var
23-02-2024, 15:58
"Qarabağ"ın AvroLiqadakı rəqibi məlum oldu - "BAYER"
23-02-2024, 10:56
ABŞ İranı hədələdi: Sərt reaksiya olacaq!
23-02-2024, 10:33
Zelenskinin Azərbaycana göndərdiyi yeni səfir KİMDİR...
23-02-2024, 09:53
Ermənistandakı Rusiya bazası bağlanacaq? - Paşinyan CAVAB VERDİ
23-02-2024, 09:27
Bu gün Milli Məclis toplaşır - Fikrət Məmmədovun məsələsinə baxılacaq
23-02-2024, 08:54
“Yarımfinal olsa mən sizi təbrik edəcəm”
22-02-2024, 17:15
Avtomobil yollarının bir qrup işçisi təltif edildi - SİYAHI